പുസ്തകത്തെക്കുറിച്ച്

ഞാൻ പാർത്ഥസാരഥി. വിനോദ് കോട്ടയിലിന്റെ ട്വന്റിഫോർ കോഡ്സ് എന്ന നോവലിലെ ഒരു കഥാപാത്രമാണ്.

പഠിച്ചുവെച്ച ചിലതൊക്കെ മറക്കാനും, വേറെ ചിലതൊക്കെ തിരുത്താനും, ചിലതൊക്കെ ഓർമ്മപ്പെടുത്താനും, ചിലതൊക്കെ ജീവിതത്തോട് കൂട്ടിച്ചർക്കാനും ട്വന്റിഫോർ കോഡ്സ് എന്ന പുസ്തകം നിങ്ങളെ സഹായിക്കും തീർച്ച...മറക്കാതെ വായിക്കുക.

ഹായ് ഞാൻ മിറ സോളൻ. വിനോദ് കോട്ടയിലിന്റെ ട്വന്റിഫോർ കോഡ്സ് എന്ന നോവലിലെ ഒരു കഥാപാത്രമാണ്.

നിങ്ങൾ ആരോടും പറയില്ലെങ്കിൽ ഞാൻ ഒരു സത്യം പറയാം. ഓർമ്മകൾ ഡീകോഡ് ചെയ്യാനുള്ള പരീക്ഷണങ്ങൾ ന്യൂറോട്ടോറിയത്തിൽ നടക്കുന്നുണ്ട് എന്നത് ഒരു യാഥാർഥ്യമാണ്.

പക്ഷേ, അതൊന്നുമല്ല ഞങ്ങളുടെ പ്രധാനലക്ഷ്യം. എന്താ...അതേക്കുറിച്ചൊക്കെ കൂടുതൽ അറിയണമെങ്കിൽ നിങ്ങൾ പുസ്തകം വായിക്കുക തന്നെ വേണം.

യെസ്...അതുതന്നെ ട്വന്റിഫോർ കോഡ്സ്.

നമസ്കാരം. ഞാൻ കമലമ്മാൾ. വിനോദ് കോട്ടയിലിന്റെ ട്വന്റിഫോർ കോഡ്സ് എന്ന നോവലിൽ ഞാനും ഉണ്ട്.

ഈ പുസ്തകം നിങ്ങൾക്ക് അറിവിന്റെ പുതിയ ആകാശം തരും. ട്വന്റിഫോർ കോഡ്സ് ആത്മജ്ഞാനത്തിന്റെ പുസ്തകമായാണ് എനിക്ക് തോന്നിയത്... അത് നിങ്ങൾക്ക് പുതിയ വഴിവെളിച്ചം തരും. ഉറപ്പ്.

പുസ്തകം വായിക്കാൻ മറക്കണ്ട ട്വന്റിഫോർ കോഡ്സ്.

ഹായ് ഞാൻ നഫീസ. ഒരു ആർക്കിയയോളജിസ്റ്റ് ആണ്. വിനോദ് കോട്ടയിലിന്റെ ട്വന്റി ഫോർ കോഡ്സ് എന്ന നോവലിൽ ഞാനും ഉണ്ട്.

നിങ്ങൾ ബീൽ സൈഫറുകളുടെ കഥ കേട്ടിട്ടുണ്ടോ? ജേക്കബ് ഡയമണ്ടിനെപ്പറ്റി കേട്ടിട്ടുണ്ടോ? ഷികിസ്ത എന്ന കയ്യെഴുത്തുലിപിയെപ്പറ്റി കേട്ടിട്ടുണ്ടോ?

എന്തായാലും ഒന്നുഞാൻ പറയാം ഈ പുസ്തകം നിങ്ങളുടെ ബുദ്ധിയേയും ചിന്തയേയും വെല്ലുവിളിക്കും... കൂടുതൽ അറിയാൻ ട്വന്റിഫോർ കോഡ്സ് വായിക്കൂ.

ഹായ് ഞാൻ സഫ...സഫ നഫീസ

ഞാൻ ഒരു സൈബർ സെക്യൂരിറ്റി എക്സ്പേർട്ട് ആണ് സിംഗപ്പൂരിൽ. വിനോദ് കോട്ടയിലിന്റെ ട്വന്റിഫോർ കോഡ്സ് എന്ന നോവലിൽ ഞാനും ഉണ്ട്.

സൈബർസെക്യൂരിറ്റിയിൽ ഞാൻ ഇന്നുവരെ കാണാത്ത അത്ര മൾട്ടിലയർ പ്രൊട്ടക്ഷനിലാണ് അങ്ങേര് ആ കീവേർഡ്‌സ് ഒക്കെ സൂക്ഷിച്ചുവെച്ചിരിക്കുന്നത്...

ഞാൻ അതിനെ വെറും 24 കോഡ്സ് ആയിട്ടല്ല കാണുന്നത്. മറിച്ച് 24 ജീവിതപാഠങ്ങളായിട്ടാണ്.

അതൊക്കെ അറിയാനോ. അതൊക്കെ അറിയാൻ പുസ്തകം മനസ്സിരുത്തി വായിച്ചാൽ മതി. പുസ്തകത്തിന്റെ പേര് മറക്കണ്ട-24 കോഡ്സ്

ആ ഞാൻ അരവിന്ദ് മേനോൻ. ഫ്രീലാൻസ് ജേണലിസ്റ്റ് ആണ്. വിനോദ് കോട്ടയിലിന്റെ ട്വന്റിഫോർ കോഡ്സിൽ ഞാനും ഉണ്ട്.

നഫീസ എന്റെ ഭാര്യയാണ്. സഫ എന്റെ മോളും. ഈ നൂപുര എന്റെയൊരു സുഹൃത്താണ്. അവൾ വിളിച്ചാൽ പോകാതിരിക്കാൻ പറ്റോ. ഡീക്കോഡിങ്ങിന് ചന്ദ്രകാന്തത്തിൽ കുടുംബസമേതം ഞങ്ങളും ഉണ്ട്.

എന്താകുമോ എന്തോ? ആകാംക്ഷയുടെ മുൾമുനയിലാണ് ഞാൻ. ഞാൻ മാത്രമല്ല പുസ്തകം വായിച്ചാൽ നിങ്ങളും അങ്ങനെയാകും.

ങ്ഹാ അതുതന്നെ വിനോദ് കോട്ടയിൽ എഴുതിയ ട്വന്റിഫോർ കോഡ്സ്. മറക്കാതെ വായിക്കൂ...

നമസ്കാരം. ഞാൻ ആനന്ദ്. വിനോദ് കോട്ടയിലിന്റെ ട്വന്റിഫോർ കോഡ്സ് എന്ന നോവലിലെ ആ ടെക്‌നോക്രാറ്റ് ഞാൻ തന്നെയാണ്.

ക്രിപ്റ്റോ എന്ന ഗ്രീക്ക് വാക്കിന്റെ അർത്ഥം തന്നെ നിഗൂഢമായ, ഒളിഞ്ഞിരിക്കുന്ന എന്നൊക്കെയാണ്. എനിക്കറിയാം ഞാൻ എത്രയൊക്കെ ഒളിപ്പിക്കാൻ ശ്രമിച്ചാലും ആ നിഗൂഢശക്തികൾ എനിക്ക് പുറകിലുണ്ടെന്ന്.

ഇതൊരു ഗെയിം ആണ്. ശത്രു ആരാണെന്നറിയാതെ പരസ്പരം ഒളിഞ്ഞിരുന്നു കളിക്കുന്ന ഒരു ഗെയിം. അവർക്കിതൊരു സമ്പത്തിന്റെ കളിയാണ്. എനിക്കൊരു ജീവന്റെയും. ഈ കളിയിൽ എനിക്ക് ജയിച്ചേ പറ്റൂ. അതിന് ഞാൻ ഏതറ്റംവരേയും പോകും.

കൂടുതൽ അറിയാനോ. അതിന് വിനോദ് കോട്ടയിലിന്റെ ട്വന്റിഫോർ കോഡ്സ് എന്ന നോവൽ വായിച്ചാൽ മതി.

ഹായ്...പല നാടുകളിൽ എനിക്ക് പല പേരാണ്. തല്ക്കാലം നിങ്ങൾക്ക് എന്നെ Q7എന്നുവിളിക്കാം. വിനോദ് കോട്ടയിലിന്റെ ട്വന്റിഫോർ കോഡ്സ് എന്ന നോവലിൽ ഞാനും ഉണ്ട്.

ഞങ്ങളുടെ നിഘണ്ടുവിൽ മനുഷ്യൻ എന്നത് ഒരു ഡാറ്റ മാത്രമാണ്. മായ്ച്ചുകളയാവുന്ന ഒരു ഒരു ഡാറ്റ. അതിലപ്പുറമുള്ള സെന്റിമെന്റസ് ഒന്നും ഞങ്ങൾക്ക് ആരോടടുമില്ല.

ഞങ്ങൾക്ക് ഇതൊരു ഗെയിം ആണ്. ജയിക്കുമെന്ന് ഞങ്ങൾക്ക് ഉറപ്പുള്ള ഒരു കളി. ഇത് സംഭവം വേറെ ലെവൽ ആണ്.

അത് അറിയാൻ നിങ്ങൾ പുസ്തകം വായിക്കണം ട്വന്റിഫോർ കോഡ്സ്...

നമസ്കാരം, ഞാൻ നൂപുര. ശരിക്കും ഞാൻ ഒറീസ്സക്കാരിയാണ്. ഒരു ഒഡിസ്സി നർത്തകി. വിനോദ് കോട്ടയിലിന്റെ ട്വന്റിഫോർ കോഡ്സ് എന്ന നോവലിൽ ഞാനും ഉണ്ട്.

അനന്തമായ അറിവിന്റെ കടലാണ് ആനന്ദ്. എന്റെ നാല്പത് വയസ്സിനുള്ളിൽ ഇത്രയും അറിവുള്ള ഒരാളെ ഞാൻ കണ്ടിട്ടില്ല. പക്ഷേ, എന്നിട്ടും ആനന്ദ് തോറ്റുപോകുന്നുണ്ട്. അത് എന്തുകൊണ്ടാണ് എന്നറിയോ?

ഒരു സൂചന മാത്രം തരാം. ചിലപ്പോഴൊക്കെ നിങ്ങൾ ലോജിക് ഉപേക്ഷിച്ച് വൈകാരികമായി ചിന്തിക്കണം. കൂടുതൽ അറിയാൻ ട്വന്റിഫോർ കോഡ്സ് എന്ന പുസ്തകം വായിക്കണം.